اساتذہ اور اساتید میں فرق

استاد کی جمع اساتید، استاذ کی جمع اساتذہ، اس کی کیا وجہ ہے؟

لفظ استاد فارسی سے عربی میں آیا  اور "استاذ" بن گیا، پھر لفظ استاذ کی دو عربی جمعیں بنائی گئیں: (1) اساتذۃ (2) اساتیذ جیسے تلمیذ(شاگرد) کی جمع تلامذۃ بھی ہے اور تلامیذ بھی۔ استاذ کی ایک جمع اُسْتَاذُوْن بھی ہے، جسے عربی گرامر کی رو سے جمع مذکر سالم کہتے ہیں۔ فارسی میں استاد کی جمع استادان ہے۔ جبکہ اردو میں استاد کی جمع استادوں کے علاوہ اساتذہ بھی مستعمل ہے اور مرکبات میں استادان بھی۔ اساتید (دال کے ساتھ) میری نظر سے نہیں گزرا ، ممکن ہے فارسی والے اساتیذ پر قیاس کرکے اساتید بولتے ہوں۔ واللہ اعلم