محمد(ﷺ) کی زوجہ تھیں میمونہ حارث
سعادت میں عمدہ تھیں میمونہ حارث
مقام ان کو کیا خوب اونچا ملا تھا
طبیعت کی سادہ تھیں میمونہ حارث
چھیالیس احادیث مروی ہیں ان سے
روایت میں اعلیٰ تھیں میمونہ حارث
ہوئی ان کی شادی مقامِ ’’سرِف‘‘ میں
ہوئی فوت اسی جا تھیں میمونہ حارث
مثالی تھا ان کا صلہ رحمی کرنا
سراپا ہی تقوی تھیں میمونہ حارث
مہارت تھی فقہی مسائل میں ان کو
ذہانت میں بالا تھیں میمونہ حارث
یہ زوجِ نبی آخری تھیں اسامہ!
کہ قسمت میں یکتا تھیں میمونہ حارث
شاعر:
محمد اسامہ سَرسَری