تو حُسن کا محور ہے، تو حُسن کا پیمانہ ۔ غزل از شاہ رئیس

تو حُسن کا محور ہے، تو حُسن کا پیمانہ

تو حُسن کا محور ہے، تو حُسن کا پیمانہ
تو واسطے میرے ہے اک گوہرِ یک دانہ

مُسکان لبوں پر لا ، آنکھوں کو نہ نیچے رکھ
صدقہ ترے ہونٹوں کا، نینوں کا ہو نذرانہ

تو شمعِ فروزاں ہے، تو شعلۂ آتش ہے
جل جائے گا بس یوں ہی بےکار میں پروانہ

چہرے کو چھپا لینا، تم زلف پریشاں سے
رخسار کے شعلے سے جل جاے نہ دیوانہ

تم دل کو رئیس! اپنے قابو میں رکھو ہر دم
ہو جائے کہیں اُن کا لبریز نہ پیمانہ

شاعر:
شاہ رئیس