زمین کی گہرائی کتنی ہے؟

زمین کی گہرائی کتنی ہے؟

زمین کی گہرائی ایک پراسرار دنیا ہے جس کے بارے میں انسان ہمیشہ سے جاننے کی کوشش کرتا آیا ہے۔ یہ تصور ہی حیرت انگیز ہے کہ زمین کے نیچے کیا پوشیدہ خزانے، راز اور قوتیں ہو سکتی ہیں۔ کیا واقعی وہاں آگ کی جھیلیں ہیں یا دھاتوں کے ٹھوس گولے؟ سائنسی تحقیقات بتاری ہیں کہ زمین کی سطح کے نیچے کا یہ سفر کس قدر پیچیدہ اور دلکش ہے، جہاں ہر تہہ اپنے اندر لاکھوں سالوں کی کہانی سموئے ہوئے ہے۔ سائنسی تحقیق کے مطابق زمین کی تین بڑی تہیں ہیں: 1. قشرِ زمین (Crust): یہ سب سے بیرونی تہہ ہے، جس کی موٹائی زمین کے مختلف علاقوں میں 5 سے 70 کلومیٹر تک ہو سکتی ہے۔ 2. مینٹل (Mantle): قشرِ زمین کے نیچے مینٹل ہوتا ہے، جو تقریباً 2,900 کلومیٹر موٹا ہے۔ یہ ٹھوس اور پگھلے ہوئے پتھروں کا مرکب ہے اور اس میں حرارت کی حرکت کی وجہ سے زمین کی پرتیں حرکت کرتی ہیں۔ 3. بیرونی اور اندرونی کور (Outer and Inner Core): زمین کا بیرونی کور مائع لوہے اور نکل پر مشتمل ہے، جو تقریباً 2,200 کلومیٹر موٹا ہے۔ اندرونی کور ٹھوس لوہے اور نکل کا گولہ ہے، جس کا قطر تقریباً 1,200 کلومیٹر ہے۔ یہاں کا درجہ حرارت تقریباً 5,400 ڈگری سیلسیس تک پہنچ سکتا ہے۔ دلچسپ امر یہ ہے کہ اب تک سائنس دانوں نے زمین کی سطح سے صرف 12 کلومیٹر تک کی کھدائی کی ہے، جبکہ زمین کا مرکز تقریباً 6,371 کلومیٹر نیچے ہے۔ زیادہ تر معلومات زلزلوں وغیرہ کے ذریعے حاصل کی گئی ہیں۔